សិក្ខាសាលាស្តីពី "កម្មវិធីភាសាអង់គ្លេសទូទៅ" សម្រាប់សិស្ស កម្រិត១២

កម្មវិធីសិក្សានីមួយៗនៅក្នុងកម្មវិធី ភាសាអង់គ្លេសជាភាសាទីពីរ មានសមាសធាតុខុសប្លែកពីគ្នា ដោយផ្អែកលើបរិបទ សមត្ថភាពភាសាអង់គ្លេស អាយុ និងការអភិវឌ្ឍន៍របស់សិស្សានុសិស្ស។ ដើម្បីជាជំនួយដល់សិស្សានុសិស្ស នៅកម្រិតKid 12 ទទួលបានការយល់ដឹងកាន់តែច្រើនក្នុងកម្មវិធី ភាសាអង់គ្លេសទូទៅ មជ្ឈមណ្ឌលភាសា អេអាយអាយ សាខាផ្សារថ្មី បានរៀបចំសិក្ខាសាលាស្តីពី "កម្មវិធីភាសាអង់គ្លេសទូទៅ" សម្រាប់សិស្សានុសិស្សកម្រិត Kid 12 ។ សិក្ខាសាលានេះផ្តោតជាសំខាន់លើ ការផ្លាស់ប្តូរពីកម្មវិធីថ្នាក់កុមារ ទៅកម្មវិធីភាសាអង់គ្លេសទូទៅ សកម្មភាព និងកិច្ចការផ្សេងៗគ្នា និងការរៀបចំ និងគន្លឹះដើម្បីជំនះបញ្ហា។ ជាងនេះទៅទៀត សិក្ខាសាលានេះធ្វើឡើងក្នុង គោល បំណង លុប បំបាត់ ការ យល់ ខុស របស់ សិស្សានុសិស្ស បន្ទាប់ ពី បញ្ចប់ ការ សិក្សា ពីកម្រិត Kid 12។