សន្និសិទ្ធបង្រៀន Aii លើកទីពីរ
នៅថ្ងៃទី២៨ ខែមេសា ឆ្នាំ២០១៨ មជ្ឈមណ្ឌលភាសា អេ អាយ អាយ បានរៀបចំសន្និសិទ្ធបង្រៀន Aii លើកទីពីរសម្រាប់លោកគ្រូអ្នកគ្រូទាំងអស់។
លោក ហ៊ាង ម៉េងហ៊ុយ ដែលជាប្រធានគ្រូនៃមជ្ឈមណ្ឌលភាសា អេ អាយ អាយ សាខាម៉ៅសេទុង ជាអ្នករៀបចំសន្និសិទ្ធនេះ។ មានប្រធានបទ៣៧ផ្សេងៗគ្នា និងមានអ្នកធ្វើបទបង្ហាញចំនួន៣៧នាក់ ដែលក្នុងនោះរួមមាន លោកគ្រូ អ្នកគ្រូ ប្រធានគ្រូ នាយករងសាខា និងនាយកសាខាផងដែរ។
គោលបំណងនៃការរៀបចំសន្និសិទ្ធនេះឡើងគឺដើម្បីបើកឱកាសឱ្យលោកគ្រូអ្នកគ្រូទាំងអស់ធ្វើការផ្លាស់ប្តូរបទពិសោធន៍ និងជំនាញក្នុងការបង្រៀនទៅគ្នាទៅវិញទៅមក ដូច្នេះហើយពួកគេអាចស្វែងយល់ពីវិធីសាស្ត្រថ្មីៗ និងពង្រឹងការទំនាក់ទំនងក្នុងក្រុមទៅវិញទៅមក។
ដូច្នេះហើយ លោកគ្រូ អ្នកគ្រូ អាចអនុវត្តនៅអ្វីដែលពួកគាត់បានបង្រៀនទៅសិស្សានុសិស្សរបស់ពួកគេ និងធ្វើការអភិវឌ្ឍឱ្យអាជីពបង្រៀនរបស់ពួកគេឱ្យកាន់តែប្រសើរឡើង។ មជ្ឈមណ្ឌលភាសា អេ អាយ អាយ តែងតែមានគោលបំណងខ្ពស់ដើម្បីរកវិធីសាស្ត្រល្អៗសម្រាប់លោកគ្រូ អ្នកគ្រូ ដើម្បីពង្រឹងអាជីពរបស់ពួកគេដើម្បីឱ្យស្របតាមស្តង់ដារបច្ចុប្បន្ន។